Հայաստանում 10%-ից ցածր շուկայական վարկերը դեռեւս անիրատեսական են: Այս մասին հոկտեմբերի 6-ին խորհրդարանում հայտարարեց Հայաստանի Կենտրոնական բանկի փոխնախագահ Ներսես Երիցյանը:
Նա նշեց, որ երկրի արտասահմանյան պարտատոմսերի եկամտաբերությունը 5-6% է: Իսկ դա նշանակում է, որ հենց այդքան է պետության կողմից գնահատվում կապիտալի ներգրավման ռիսկը, որն ուղենիշ է ե՛ւ վարկատուների, ե՛ւ մասնավոր հատվածի ներդրողների համար: Դրան ավելանում է նաեւ 3.5-4%-ի սահմաններում գնաճը:
«Այդ պատճառով ամենացածր իրատեսական դրույքաչափը 10%-ն է: Ավելի ցածր տոկոսադրույքով վարկ տրամադրելը նշանակում է հոսանքին հակառակ գնալ: Իսկ եթե իրական արտահայտությամբ գնաճն արագանա, ցածր վարկերը կրկին չեն լուծի իրենց խնդիրը, եթե անգամ որպես հասանելի տարբերակ մտածված լինեն»,- հավելեց Երիցյանը:
