Ճապոնիայի կառավարության անդամները հրաժարականի դիմումներ են ներկայացրել վարչապետ Սինջո Աբեին՝ կապված վերջինիս վերընտրության եւ նոր կառավարություն ձեւավորելու անհրաժեշտության հետ, հաղորդում է «ՌԻԱ նովոստին»:
Սեպտեմբերի սկզբին Աբեն եւս երեք տարով վերընտրվել է իշխող Ազատական-ժողովրդավարական կուսակցության նախագահի պաշտոնում:
Reuters-ի փոխանցմամբ, 18 նախարարներից կեսը կպահպանեն իրենց պաշտոնները:
Ենթադրվում է, որ իրենց պաշտոններին կմնան կառավարության առանցքային դեմքերը, այդ թվում ֆինանսների, էկոնոմիկայի, պաշտպանության եւ արտաքին գործերի նախարարները:
