Ռուսաստանն ու Հայաստանը միջուկային անվտանգության շուրջ տեղեկություններ կփոխանակեն։ Համապատասխան կարգը հաստատվել է հոկտեմբերի 7-ին Երեւանում ՀՀ էներգետիկայի նախարար Երվանդ Զախարյանի եւ «Ռոսատոմ» ռուսական պետական ընկերության ղեկավար Սերգեյ Կիրիենկոյի միջեւ կնքած համաձայնագրով։
«Միջուկային վթարի դեպքում օպերատիվ ծանուցման եւ միջուկային ու ռադիացիոն անվտանգության ոլորտում տեղեկությունների փոխանակման մասին» համաձայնագիրը բխում է 1986թ. ԱԷՄԳ պահանջներից։
Կողմերը տեղեկություններ կփոխանակեն ոչ միայն արտակարգ իրավիճակներում, այլ նաեւ խաղաղ ատոմի օբյեկտների ընթացիկ վիճակի մասին։
Հայկական ԱԷԿ-ի շահագործման ժամկետների երկարաձգման ծրագրով 2 լրացուցիչ փաստաթուղթ է ստորագրվել։
Հիշեցնենք, որ ռուսական կողմը դրա ֆինանսավորման համար 30 մլն դոլարի դրամաշնորհ եւ մինչեւ 270 մլն դոլարի վարկային գիծ էր տրամադրել, որի մասին համաձայնագիրը ստորագրվել էր 2014թ. դեկտեմբերին։