Բանկերի խոշորացումը առաջիկա մի քանի տարվա ընթացքում 2 մլրդ դրամի չափով վարկավորման լրացուցիչ պահուստ կստեղծի։ Այս մասին հոկտեմբերի 7-ին խորհրդարանում ասել է ՀՀ ԿԲ փոխնախագահ Ներսես Երիցյանը։ Նրա խոսքով՝ դա համահունչ է Կառավարության քաղաքականությանը, որը ցանկանում է զարգացնել տնտեսության ֆինանսական միջնորդությունը։

Հիշեցնենք, որ Հայաստանի ԿԲ որոշման համաձայն՝ 2017թ. հունվարի 1-ից առեւտրային բանկերի նվազագույն կապիտալը 5 մլրդ դրամից պետք է դառնա 30 մլրդ դրամ։ 2014թ. վերջին այդ շեմը կարող էին հաղթահարել գործող 21 բանկերից միայն 5-ը։