Մթա IV դարում իշխած Նեկտանեբ Առաջին փարավոնի՝ եգիպտական վերջին՝ XXX արքայատոհմի արքայի պատվին կառուցված սրբավայրի հատվածները հայտնաբերվել են Կահիրեում։ Այդ մասին հաղորդում է ՏԱՍՍ-ը՝ վկայակոչելով Հնությունների նախարարությանը։
Արտեֆակտը հայտնաբերել է եգիպտացի եւ գերմանացի հնագետների խումբը մայրաքաղաքի Այն-Շամս շրջանում պեղումներ անելիս։ Նախկինում այդ վայրից արդեն իսկ հայտնաբերվել էին վերջին արքայատոհմերի ժամանակաշրջանի հուշարձաններ։
Գտածոներից մեկն իրենից ներկայացնում է 125 եւ 75 սմ չափեր ունեցող բազալտե սալիկ, որի վրա պատկերված է հին եգիպտական Նիլա Հապի աստվածը՝ ընծաներ բերելիս։ Բացի այդ, հողից հանվել են կրաքարե փոքրիկ սյուներ եւ տաճարի առաստաղի բեկորներ։ Գտնվել է նաեւ երկու փոքր արձանիկ՝ Նեկտանեբ Առաջինի եւ XIX արքայատոհմի ներկայացուցիչ Մերնեպտահ արքայի, որն իշխել է նրանից գրեթե հազար տարի առաջ։
XXX արքայատոհմի փարավոններից հետո ավելի քան 300 տարի Եգիպտոսում իշխել են Պտղոմեոսյանները՝ մակեդոնական արքաներ, որոնց փոխարինել են հռոմեականները եւ վերջապես՝ արաբ կառավարողները։