Sony ընկերությունն իր պաշտոնական բլոգում հրապարակել է այն 14 սարքավորումների ցանկը, որոնք Android 6.0 Marshmallow համակարգ կունենան:
Android 6.0 կունենան Sony-ի հետեւյալ սարքերը. Xperia Z5, Xperia Z5 Compact, Xperia Z5 Premium, Xperia Z4 Tablet, Xperia Z3+, Xperia Z3, Xperia Z3 Compact, Xperia Z3 Tablet Compact, Xperia Z2, Xperia Z2 Tablet, Xperia M5, Xperia C5 Ultra, Xperia M4 Aqua եւ Xperia C4:
Հատկանշական է, որ այդ ցանկում ներառված են նաեւ դեռեւս 2013 թվականին թողարկված սարքեր:
Ըստ Gazeta-ի, Google-ի նոր օպերացիոն համակարգի թողարկման ժամկետները սովորաբար կախված են միայն սարքավորումներն արտադրողներից, քանի որ դրանք մի շարք ֆործառույթներ ունեն, որոնցից Android-ի «մերկ» տարբերակը զուրկ է: Այդ պատճառով կոնկրետ սարքի համար թարմացումը կարող է թողարկվել օպերացիոն համակարգի նոր տարբերակի մասին հայտարարությունից որոշ ժամանակ անց: