Ռուսաստանի նախագահ Վլադիմիր Պուտինն իր ծննդյան տարեդարձին Սոչիում Գիշերային հոկեյի լիգայի գալա-խաղին 7 տափօղակ է նետել դարպասը:
Գիշերային հոկեյի լիգայի աստղերի հավաքականի (որի կազմում հանդես է եկել Պուտինը) եւ Լիգայի հավաքականի միջեւ խաղը տեղի է ունեցել հոկտեմբերի 7-ին եւ ավարտվելս 15:10 հաշվով (8:2, 2:3, 5:5)՝ Ռուսաստանի նախագահի թիմի օգտին: Պուտինը նաեւ երեք արդյունավետ փոխանցում է կատարել:
Ըստ Lenta.ru-ի, Գիշերային հոկեյի լիգան Ռուսաստանի սիրողական հոկեյի ակումբների պաշտոնական միավորում է, որն ամեն տարի մրցումներ է անցկացնում պրոֆեսիոնա թիմերի մրցաշարերի նմանությամբ: Լիգան ստեղծվել է 2011 թվականին, նախագահ Վլադիմիր Պուտինի եւ հայրենական հոկեյի վետերանների նախաձեռնությամբ:
Չորեքշաբթի՝ հոկտեմբերի 7-ին, Վլադիմիր Պուտինը դարձավ 63 տարեկան:
