Facebook սոցիալական ցանցին պատկանող Instagram-ի համահիմնադիր եւ ղեկավար Քեւին Սիսթրոմը պատմել է, որ գործընկերների հետ քննարկել է ծառայության՝ մեծահասակների համար տարբերակի ստեղծման հնարավորությունը:

Նրա խոսքով, այդպիսի սոցիալական ցանցում նկարների տեղադրումը R վարկանիշ կունենա: Lenta.ru-ի փոխանցմամբ, ԱՄՆ-ում ընդունված կինոարտադրության վարկանշային համակարգի համաձայն, այդ դասի ստեղծագործությունները 17 տարեկանից փոքր անձինք կարող են դիտել միայն մեծահասակների ուղեկցությամբ:

Ըստ Mashable-ի, Սիսթրոմը նշել է, որ նախագծի քննարկումների ժամանակ դժվարությունները սկսվել են այն փուլում, երբ հարկ է եղել որոշել, թե ով եւ ինչպես կարող է որոշել, արդյո՞ք լուսանկարը R դասին է պատկանում: Նա նաեւ հավելել է, որ Instagram-ի համար կարեւոր է ոչ թե պոռնոգրաֆիա տեղադրելու համար ռեսուրս ստեղծելը, այլ մարդկանց գեղեցիկ ինքնարտահայտվելու հնարավորություն ընձեռելը: