Գիտեմ, որ այս խաղում ուշադրությունը բեւեռված է լինելու իմ վրա։ Այդ մասին Նիս քաղաքի «Ալյանս Ռիվյերա» ստադիոնում հոկտեմբերի 8-ին կայանալիք Ֆրանսիա - Հայաստան ընկերական հանդիպման նախախաղային ասուլիսում նշեց Հայաստանի ազգային հավաքականի եւ ֆրանսիական «Մարսելի» պաշտպան Գաել Անդոնյանը:
«Դանիայի հետ խաղում առաջին անգամ էի հանդես գալիս ձախ պաշտպանի դիրքում: Վնասվածք ունեի սերբերի հետ խաղում: Վաղվա խաղում կանեմ ամեն ինչ, որպեսզի օգնեմ Հայաստանին: Սա յուրահատուկ խաղ է լինելու ինձ համար: Ընտանիքիս անդամները եւս ներկա են լինելու հանդիպմանը:
Գիտեմ, որ այս խաղում ուշադրությունը բեւեռվելու է իմ վրա, քանի որ այստեղ եմ խաղում: Ցանկանում եմ էմոցիաները դնել մի կողմ եւ խաղալ այն խաղը, որը խաղում ենք միշտ: Ես ծնվել եմ Ֆրանսիայում, բայց ներկայացնում եմ Հայաստանը: Կարծում եմ, որ Ֆրանսիայի հավաքականում խաղում են Եվրոպայի լավագույն ֆուտբոլիստները եւ: Ըստ ինձ՝ Ֆրանսիան ավելի ուժեղ է, քան Պորտուգալիան»,- նշել է Անդոնյանը:
Ֆրանսիա – Հայաստան խաղը ցուցադրվելու է ֆրանսիական TF1 ալիքով։
Վերա Մարտիրոսյան՝ Նիսից
