Այս տարվա սեպտեմբերի դրությամբ, Յունիբանկի վարկային պորտֆելում կանխիկ վարկերի քանակը գերազանցել է 45 000-ը, ապառիկ վարկերինը` 100 000-ը: Այդ ցուցանիշներով բանկը առաջատար դիրքեր է զբաղեցնում շուկայում:
Յունիբանկի մամուլի ծառայությունից NEWS.am-ին հայտնում են, որ Բանկի հիմնական առավելությունը լայն ցանցի առկայությունն ու վարկի տրամադրման եւ մարման հարմարավետությունն է: Salesforce ամպային CRM–համակարգի վրա հիմնված վարկային հայտերի ուսումնասիրման ավտոմատացված համակարգի գործարկման շնորհիվ, բանկը վարկի վերաբերյալ պատասխանը հաճախորդին տրամադրում է մեկ րոպեում: Նույն կերպ հարմար եւ արագ իրականացվում են վարկի գծով մարումները: Հաճախորդը կարող է դա կատարել ինչպես մասնաճյուղում, այնպես էլ ինքնուրույն` վճարային տերմինալների միջոցով: Բանկի վճարային տերմինալները տեղադրված են բանկի բոլոր մասնաճյուղերում եւ կենցաղային, համակարգչային տեխնիկայի խոշոր խանութներում: Որոշ տերմինալներ աշխատում են անգամ 24 ժամ, առանց հանգստյան օրերի, ինչը շատ հարմար է այն մարդկանց համար, ովքեր զբաղվածության պատճառով չեն հասցնում բանկ այցելել մինչեւ աշխատանքային օրվա ավարտը: Այժմ Յունիբանկը ներկայացված է 45 մասնաճյուղով, ունի ավելի քան 50 պրոմո կետ առեւտրի կենտրոններում, համագործակցում է ավելի քան 500 խանութների հետ: