Վաշինգտոնն ու Վարշավան համաձայնագիր են ստորագրել, որը հստակեցնում է Լեհաստանի տարածքում ԱՄՆ-ի ծանր ռազմական տեխնիկայի ապագա բազաների տեղակայման վայրը: ՌԻԱ Նովոստիի փոխանցմամբ, այս մասին հաղորդել է Լեհաստանի ազգային պաշտպանության նախարարությունը:
Նախարարության մամուլի քարտուղար Յացե Սոնտայի խոսքով, լեհական կողմը ներկայացրել է հետեւյալ տարածքներն ու օբյեկտները. Լասկայի ավիաբազան, Դրավսկե-Պոմորսկում Ցամաքային զորքերի ուսումնական կենտրոնը, Սկվեժինայում, Չեխանովեում եւ Հոշչնեում ռազմական համալիրները:
Նա նաեւ հավելել է, որ Լեհաստանի տարածքում ԱՄՆ-ի զինուժի ներկայությունը կարող է արտահայտվել զինծառայողների տեղակայմամբ եւ սարքավորումների, գույքի ու նյութերի պահեստավորմամբ:
