ՀՀ գյուղատնտեսության նախարարությունը խորհուրդ է տալիս արագացնել բերքահավաքը՝ սպասվող ցրտահարություններին ընդառաջ:
Այս առնչությամբ, գյուղնախարարության տարածած հաղորդագրության մեջ ասվում է.
«Համաձայն ՀՀ հիդրոօդերեւութաբանական եւ մոնիտորինգի պետական ծառայության տեղեկատվության` ս.թ. հոկտեմբերի 10-ի եւ 11-ի գիշերները հանրապետության Շիրակի, Կոտայքի, Գեղարքունիքի, Արագածոտնի, Լոռու մարզերի բարձրադիր գոտու տարածաշրջաններում կանխատեսվում են բացասական ջերմաստիճաններ` -2 +4, -1 +3:
Այդ կապակցությամբ ՀՀ գյուղատնտեսության նախարարության մասնագետները խորհուրդ են տալիս ավարտել բոլոր այն բանջարեղենների ու պտուղների բերքահավաքը, որոնք կարող են նշված ջերմաստիճանների պայմաններում վնասվել»:
Ավելի վաղ նախարարությունից հայտնել էին, որ բացի այդ, «Էրեբունի-Երեւան» տոնի կապակցությամբ հոկտեմբերի 10-ին եւ 11-ին Կասյան փողոցի վերին հատվածում եւ «Մալիբու» սրճարանին հարող տարածքում գործող գյուղատնտեսական տոնավաճառները չեն աշխատի:
Հոկտեմբերի 17-ից տոնավաճառները կգործեն բնականոն հունով: