Հայաստանի իշխանությունները վատթարացնում են երկրի տնտեսական վիճակը։ Այս մասին հոկտեմբերի 9-ին կայացած խորհրդարանական ճեպազրույցների ժամանակ հայտարարել է ՕԵԿ խմբակցության քարտուղար Մհեր Շահգելդյանը։ «Նայեք արտագաղթին, որը գնալով սարսափելի չափերի է հասնում։ Կառավարությունը ոչ մի սկզբունքային քայլ չի ձեռնարկում իրավիճակը փոխելու համար։ Ավելին՝ 2016թ. պետբյուջեի նախագծում սեփական միջոցների ծախսերը գրեթե չեն աճել»,- նշել է Շահգելդյանը։