Տորոնտոյի քաղաքապետարանի շենքում Հայոց ցեղասպանությանը նվիրված աուդիո-տեսողական ցուցահանդես կբացվի։
«Շնորհակալություն քեզ, Կանադա» անունով ցուցահանդեսը նվիրված կլինի Հայոց ցեղասպանությունից առաջ եւ հետո Կանադայի ցուցաբերած մարդասիրական օգնությանը։ Այցելուները կկարողանան տեղեկանալ այն անհատների, ընտանիքների եւ կազմակերպությունների մասին, որոնք ակտիվ դեր են խաղացել մարդասիրական օգնության տրամադրման գործում, հաղորդում է Horizon Weekly-ին։
Ցուցահանդեսը տեղի կունենա քաղաքապետարանի շենքում հոկտեմբերի 22-ից 28-ը։ Այդտեղ տեղի կունենա նաեւ «Հայոց ցեղասպանությունը եւ նրա ազդեցությունը» թեմայով պրեզենտացիա։