ԱՄՆ Արիզոնայի նահանգի համալսարանում մեկ ուսանողի կյանք խլած հրաձգության պատճառը ուսանողների խմբերի միջեւ ծագած վիճաբանությունն է եղել։ Այս մասին հայտնում է 12news-ը՝ վկայակոչելով տեղի ոստիկանությունը։
Հեռուստաալիքի տեղեկություններով՝ ոստիկանությունը նշել է, որ հրաձգության հեղինակը 18-ամյա Սթիվեն Ջոնսն է, որը վիճաբանության ժամանակ երկու անգամ կրակել է ատրճանակից, գրում է «ՌԻԱ Նովոստի»-ն։
Հիշեցնենք, որ անհայտ անձը հրազենային զենքից կրակ էր արձակել Հյուսիսային Արիզոնայի համալսարանի հանրակացարանի տարածքում, ինչի հետեւանքով սպանվել էր մեկ ուսանող, վիրավորվել եւս 3-ը։
