1992 թվականի հոկտեմբերի 10-ին ավարտվեց Հայաստանի Հանրապետության Զինված ուժերի քիմիական զորքերի կազմավորումը: Իսկ 1996 թվականից հոկտեմբերի 10-ը նշվում է որպես Հայաստանի Քիմիական զորքերի օր: Այս զորքերի հիմնական նշանակությունը քիմիական վտանգից բնակչության եւ օբյեկտների պաշտպանությունն է ինչպես խաղաղ, այնպես էլ պատերազմական ժամանակներում:
Բացի քիմիական վերահսկողության, քիմիական վտանգավոր օբյեկտերում վթարների հետեւանքները վերացնելու հետ կապված նպատակներից, ներկայում այս զորամասերը նաեւ նոր խնդիրներ ունեն, այն է՝ բնապահպանական աղետների հետեւանքների վերացումը:
Հայաստանի ժամանակակից քիմիական զորքերը կազմավորվել են խորհրդային զորքերի բազայի վրա: 1993 թվականի մարտին Հայաստանը ստորագրեց Քիմիական զենքի մասին Կոնվենցիան, որը նախատեսում է քիմիական զենքի վերջնական ոչնչացում:
Հայաստանի Քիմիական զորքերը սերտ կապեր են պահպանում Ռուսաստանի Ռադիացիոն, քիմիական եւ կենսաբանական պաշտպանության զորքերի հետ: