2016 թվականին BlackBerry ընկերությունը կարող է դադարեցնել սմարթֆոնների արտադրությունը: Պատճառը ցածր պահանջարկն է: Այս մասին տեղեկացրել է ընկերության ղեկավար Ջոն Չենը:
Նրա խոսքով, վերջին շրջանում բջջային այս սարքավորման վաճառքն այնքան էլ լավ չի ընթանում, եւ եթե 2016 թվականին իրավիճակը չբարելավվի, BlackBerry-ն ստիպված կլինի դադարեցնել արտադրությունը:
2015 թվականի օգոստոսին BlackBerry-ն կարողացել է 800 հազար հեռախոս վաճառել, թեեւ 2014 թվականին այդ թիվն անցել է 1 միլիոնից: Ըստ Softnex-ի, ներկայում ընկերությունը փորձնական ժամանակաշրջանում է: