Միջազգային պատվիրակության անդամները, որոնք Հայաստան են մասնակցել Ֆրանկոֆոնիայի միջազգային կազմակերպության անդամ երկրների ԱԳ նախարարների 31-րդ նստաշրջանի համաժողովին, այսօր՝ հոկտեմբերի 11-ին, այցելել են Հայոց ցեղասպանության զոհերի հիշատակի հուշահմալիր։ Նրանց ուղեկցել են ՀՀ ԱԳ նախարար Էդվարդ Նալբանդյանն ու Հայոց ցեղասպանության թանգարան-ինստիտուտի տնօրեն Հայկ Դեմոյանը (ֆոտոռեպորտաժ)։
Ֆրանկոֆոնիայի 80 երկրների պատվիրակությունների անդամները ծաղիկներ են դրել անմար կրակի մոտ՝ իրենց հարգանքի տուրքը մատուցելով 20-րդ դարի առաջին ցեղասպանության զոհերի հիշատակին։
Արարատ լեռան գեղեցիկ տեսարանի ֆոնին Ֆրանկոֆոնիայի միջազգային կազմակերպության համաժողովի անդամներն «ընտանեկան» լուսանկար են արել՝ Էդվարդ Նալբանդյանի գլխավորությամբ։
Քվեբեկի միջազգային հարաբերությունների եւ Ֆրանկոֆոնիայի հարցերի նախարար Քրիստին Սեն-Պիեռը եւ Քվեբեկի Ազգային ժողովի նախագահ Շակ Շանյոնը Էդվարդ Նալբանդյանին են հանձնել Հայոց ցեղասպանության ճանաչման մասին փաստաթղթի պատճենը։ Վերջինս էլ այն փոխանցել է Հայկ Դեմոյանին՝ թանգարանում պահելու համար։
Նշենք, որ Ֆրանկոֆոնիայի համաժողովը համընկել է Երեւանի 2797-ակյանի տոնակատարությունների հետ։