ԱՄՆ-ում, համակարգչային անսարքության պատճառով հետաձգվել են ամերիկյան Southwest Airlines ավիաընկերության հարյուրավոր ներքին չվերթներ: Ուղեւորների գրանցման համակարգում անկանխատեսելի խնդիրներ են ծագել, ինչի հետեւանքով ընկերության աշխատակիցները չեն կարողանում էլեկտրոնային ձեւով մշակել տոմսերը: Նրանք ստիպված են գրանցումները ձեռագիր անել:
Տեխնիկական դժվարությունների պատճառով երկրում ընդհանուր առմամբ Southwest Airlines-ի ավելի քան 450 չվերթ է հետաձգվել: Ավիաընկերությունն արդեն ներողություն է խնդրել՝ միաժամանակ խնդրելով, որ ուղեւորները ճիշտ հաշվարկեն թռիչքից առաջ օդանավակայան ներկայանալու ժամանակը:
Այս պահին ընկերության տեխնիկական մասնագետները փորձում են վերացնել համակարգչային անսարքությունները, հայտնում է ՏԱՍՍ-ը: Թե հատկապես ինչն է համակարգի խափանման պատճառ դարձել, դեռ հայտնի չէ: