ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ Դաշինքի անդամ երկրները չեն ծրագրում մասնակցել սիրիական համակարտությանը, հայտնում է Gazeta-ն՝ վկայակոչելով Reuters-ը:
Մինչդեռ ավելի վաղ ՆԱՏՕ-ի գլխավոր քարտուղարը մեղադրել էր Ռուսաստանին՝ ասելով, որ աջակցելով Բաշար Ասադի ռեժիմին, Ռուսաստանը ձգձգում է սիրիական ճգնաժամի լուծումը:
Ավելի վաղ՝ Հյուսիսատլանտյան դաշինքի ղեկավար Յենս Սթոլթենբերգը Մոսկվային կոչ էր արել դադարեցնել աջակցությունը Սիրիայի նախագահ Բաշար Ասադի վարչակազմին: Սթոլթենբերգը մտահոգություն էր հայտնել երկրի տարածքում թեւավոր հրթիռների հարվածների կապակցությամբ: