«Քալիֆորնիայի ամենախմող քաղաքի» կոչումը ստացել է Սանտա Մոնիկան: Այս մասին է վկայում RoadSnack կայքի անցկացրած հետազոտությունը:
Ցուցակը կազմվել է մի քանի գործոնների հիման վրա, այդ թվում հաշվի առնելով բնակչության մեկ շնչին բաժին ընկնող բարերի եւ գինու գործարանների, ինչպես նաեւ գինու խանութների քանակը: Հաշվի են առել նաեւ քաղաքներում ալկոհոլի պատճառով ամուսնալուծությունների մակարդակը:
Ալկոհոլային խմիչքի սիրահարների քաղաքների ցանկն այսպիսին է ստացվել. Սանտա Մոնիկա, Սանտա Բարբարա, Նապա, Փասադենա, Սակրամենտո, Նյուփորթ Բիչ, Օքլենդ, Լիվերմոր, Սանտա Մաթեո, Էլ Կահոն: