Playboy ամսագրի հիմնադիր Հյու Հեֆները հավանություն է տվել ամսագրի տպագիր տարբերակում լրիվ մերկ կանանց լուսանկարների հրապարակումը դադարեցնելու որոշմանը, գրում է The New York Times-ը:
Ամսագրի ներկայացուցիչները հայտարարել են, որ պարբերականը սեփական հաղթանակների զոհն է դարձել: Նրանց խոսքով, երբ համացանցի յուրաքանչյուր օգտատեր կարող է մեկ հպումով դիտել երեւակայությանը հասանելի սեքսուալ բնույթի ցանկացած լուսանկար, պարբերականի կողմից հին քաղաքականության շարունակումն անիմաստ է:
Այդ որոշումն ուժի մեջ կմտնի 2016-ի մարտին: Ամսագիրը կշարունակի կանանց՝ գայթակղիչ դիրքերով լուսանկարների հրապարակումը, սակայն դրանք այլեւս չեն հայտնվի լրիվ մերկ վիճակում, հաղորդում է Gazeta-ն: