Բաքվում ավելի քան հարյուր աշխատավորներ բողոքի ցույցի են դուրս եկել։ Ինչպես հաղորդում է «Ազատություն» ռադիոկայանը, բողոքի ակցիան կազմակերպել են Azərinşaatservis-ի աշխատակիցները։
Ցուցարարները պահանջում են ընկերության ղեկավարությունից մարել 5 ամսվա աշխատավարձերի պարտքը։ «Մենք արդեն 5 ամիս աշխատավարձ չենք ստացել։ Անձամբ ինձ ընկերությունը 3 հազար մանաթ է պարտք»,- ասել է ընկերության աշխատակից Մուսեիբ Մուսաեւը։
Մեկ այլ աշխատակցի խոսքով՝ ընկերությունը ընդհանուր առմամբ պարտք է 2.5 մլն մանաթ։
Նշենք, որ մեկ մանաթը մոտավորապես մեկ դոլար է։