ՀՀ վարչապետ Հովիկ Աբրահամյանն այսօր ընդունել է Արաբական Միացյալ Էմիրություններում գործող «Al Fahim Group» ընկերության նախագահ Սաիդ Աբդուլ Ջալիլ ալ-Ֆահիմին:
Քննարկվել են երկկողմ համագործակցության եւ համատեղ ծրագրերի իրականացման հեռանկարները: Սաիդ Աբդուլ Ջալիլ Ալ-Ֆահիմը նշել է, որ իր ղեկավարած ընկերությունը շահագրգռված է մեր երկրում երկկողմ հետաքրքրություն ներկայացնող ոլորտներում ներդրումներ կատարելու հարցում եւ պատրաստ է համագործակցել տարբեր ուղղություններով:
Վարչապետը նշել է, որ Հայաստանի կառավարությունը գործարար միջավայրի շարունակական բարելավման քաղաքականություն է որդեգրել եւ քայլեր է իրականացնում բիզնեսով զբաղվելու համար նպաստավոր պայմաններ ստեղծելու եւ օտարերկրյա ներդրումներ ներգրավելու ուղղությամբ:
Զրուցակիցները քննարկել են մի շարք՝ գյուղատնտեսության, զբոսաշրջության, մեքենաշինության եւ այլ ոլորտներում փոխգործակցությանը վերաբերող հարցեր:
.jpg)
