«Փյունիկի» նախկին ֆուտբոլիստ Զավեն Բադոյանը, ով լավ խաղաշրջան անցկացրեց երեւանյան թիմի կազմում, հուլիսից ի վեր որեւէ թիմում ընդգրկված չէ: NEWS.am-ի թղթակից Վերա Մարտիրոսյանի հետ զրույցում Բադոյանը պատմեց, թե որտեղ է եղել այս ամիսներին:

«Երկար ժամանակ է ես արդեն չեմ խաղում, շատ քչերն էին հետաքրքրվում, թե որտեղ եմ եւ ինչով եմ զբաղվում: Ես փորձաշրջան էի անցնում նորվեգական թիմում, բայց ինչ-ինչ պատճառներով տեղափոխությունս չստացվեց: Այնուհետեւ մեկնեցի Ռումինիա՝ ինձնով հետաքրքրվող ակումբ կար, բայց թղթաբանական խնդիրների պատճառով կրկին չստացվեց: Այժմ սպասման մեջ եմ, մի քանի քննարկվող տարբերակներ կան: Նաեւ սպասում եմ նոր առաջարկների: Հուսամ մոտ օրերս մի բան ստացվի»,-ասաց Բադոյանը:
Հիշեցնենք, որ Զավեն Բադոյանը «Փյունիկում» հանդես էր եկել փետրվար-հուլիսին: Նա 12 խաղում դարձել էր 10 գոլի հեղինակ:
Վերջին անգամ Բադոյանն ազգային հավաքական էր հրավիրվել հունիսին՝ Պորտուգալիայի հետ Երեւանյան խաղում:

Վերա Մարտիրոսյան/Vera&Football