Եվրախորհրդարանի պատգամավորի դեմ պատժամիջոցներ են սահմանել՝ Գերմանիայի կանցլեր Անգելա Մերկելի՝ Հիտլերի կերպարով լուսանկարով մարզաշապիկով ելույթի համար:
Միջադեպը տեղի է ունեցել հոկտեմբերի սկզբին: Խոսքն իտալական «Հյուսիսի Լիգա» կուսակցության անդամ Ջանլուկա Բուոնանոյի մասին է, որը Volkswagen ընկերության ճակատագրի շուրջ ելույթի ժամանակ հանել էր վերնազգեստը՝ ցուցադրելով աղմկահարույց մարզաշապիկը:
Արդյունքում, ըստ LifeNews-ի, պատգամավորին 10 օրով հեռացրել են խորհրդարանական աշխատանքից: Պատգամավորը նաեւ պետք է տուգանք վճարի:
Դրանից հետո քաղաքական գործիչը Մերկելին Հիտլերի հետ է համեմատել հեռուստատեսային եթերում:
