Աշխարհի տարբեր երկրներից մասնակիցներն ու հյուրերը կքննարկեն օրենսդրական այն նորմերը, որոնք սահմանում են Հայաստանում խաղատնային բիզնեսի գործունեությունը, ինչպես նաեւ ներդրումների ներգրավման եւ խաղացողների հետ երկխոսության մեթոդներին վերաբերող հարցեր:
Երեւանում նոյեմբերի 19-ին մեկնարկում է Armenian Gaming Forum-ը՝ Հայաստանի պատմության մեջ առաջին հարթակը բոլոր նրանց համար, ովքեր կապ ունեն խաղատնային բիզնեսի հետ:
Ֆորումին կմասնակցեն խաղատների եւ պոկերային ակումբների համար սարքավորումներ արտադրողներ, սոֆթի եւ վճարային համակարգերի մշակողներ, ինչպես նաեւ ներդրողներ եւ օրենսդիր իշխանության ներկայացուցիչներ:
Աշխարհի տարբեր երկրներից մասնակիցներն ու հյուրերը կքննարկեն օրենսդրական այն նորմերը, որոնք սահմանում են Հայաստանում խաղատնային բիզնեսի գործունեությունը, ինչպես նաեւ ներդրումների ներգրավմանը եւ խաղացողների հետ երկխոսության մեթոդներին վերաբերող հարցեր:
Մասնակիցների նպատակն է՝ ցույց տալ, որ մոլախաղերի ոլորտը կարող է եւ պետք է եկամուտ բերի պետությանը եւ թափանցիկ բիզնեսի կարգավիճակ ունենա:
Այցելուների համար ցուցադրական գոտի կգործի, որտեղ սարքավորումների մշակողները կներկայացնեն խաղատների, բուքմեյքերական ընկերությունների եւ խաղային ավտոմատների դահլիճների համար նորագույն արտադրանքը: Մասնավորապես, մեծ ուշադրություն կդարձվի բջջայինների եւ սոցիալական ցանցերի համար ադապտացված սոֆթին:
Ֆորումի հիմնական թեմաներից մեկը կլինի ՖԵՆԹԵԶԻ ՍՊՈՐՏԸ:
Բացի այդ, արտասահմանցի հյուրերը կայցելեն երկրի հիմնական խաղատներ եւ շուկայում առաջատար ընկերության՝ BetConstruct-ի գրասենյակ՝ ավելի լավ ճանաչելու հայկական խաղատնային բիզնեսը:
Ֆորումի առանձնահատկությունը կդառնա բիզնեսի ներկայացուցիչների եւ իշխանությունների կառուցողական երկխոսությունը, ինչպես նաեւ մի շարք բիզնես-հանդիպումներ, որոնք ուղղված կլինեն երկրում խաղատնային բիզնեսի զարգացմանը:
