Ատոմակայանը վերագործարկելուց հետո (1995 թ.) առաջին անգամ ՀԷԿ-երի արտադրած էլեկտրաէներգիայի ծավալը գերազանցել է ատոմակայանի արտադրանքին։ 2010 թ. առաջին կիսամյակում Հայաստանում արտադրվել է 3,7 մլրդ. կՎտ.ժամ էլեկտրաէներգիա, որից 1,658 կՎտ.ժամ-ը՝ ՀԷԿ-երում, իսկ 1,607 կՎտ.ժամ-ը՝ ատոմակայանում։ Այս մասին նշված է Ազգային վիճակագրական ծառայության հրապարակման մեջ։ Եթե ՀԷԿ-երում էլեկտրաէներգիայի արտադրությունը նախորդ տարվա նույն ժամանակահատվածի համեմատ ավելացել է 48 տոկոսով, ապա ատոմակայանինը նվազել է 5,4 տոկոսով։
Ջերմաէլեկտրակայաններն արտադրել են 521 մլն կՎտ.ժամ կամ ընդհանուր էլեկտրաէներգիայի ընդամենը 13,5 տոկոսը։ Նախորդ տարվա համեմատ, էլեկտրաէներգիայի արտադրությունը ՋԷԿ-երում ավելացել է 15,5 տոկոսով՝ շնորհիվ մարտից Երեւանի ՋԷԿ-ում ճապոնական տեխնոլոգիայի գործարկման։