Վրաստանի առողջապահության, աշխատանքի եւ սոցիալական ապահովության նախարար Ալեքսանդր Կվիտաշվիլին հրաժարական է տվել: Այս մասին նա հայտարարել է օգոստոսի 31-ին հատուկ բրիֆինգի ժամանակ: Նա նշել է, որ մտադիր է զբաղեցնել Իվանե Ջավախիշվիլիի անվան համալսարանի ռեկտորի պաշտոնակատարի պաշտոնը:
«Այսօր Համալսարանի ակադեմիական խորհուրդը կքննարկի իմ թեկնածությունը այդ պաշտոնում: Ես թողել եմ պաշտոնս, որ դրանով չխանգարեմ խորհրդին, որոշում ընդունել: Ինձ համար մեծ պատիվ է զբաղեցնել ռեկտորի պաշոտնակատարի պաշտոնը, հատկապես, որ իմ պապը երկար տարիներ այդ համալսարանի պատմության ֆակուլտետի դեկանն է եղել»,- ասել է Կվիտաշվիլին:
Անդրադառնալով հարցին, թե ո՞վ է իրեն փոխարինելու նախարարի պաշտոնում, Կվիտաշվիլին նշել է, որ նոր նախարարի անունը իրեն անհայտ է: «Ես չեմ կարող ասել իր հետնորդի անունը, կարող եմ միայն ասել, որ նախարարի պարտականությունները ժամանակավորապես կատարելու է առաջին տեղակալ Իրակլի Գիորգիոբիանին»,- ասել է նա:
Նշենք, որ Ալեքսանդր Կվիտաշվիլին առողջապահության, աշխատանքի եւ սոցիալական ապահովության նախարար էր նշանակվել 2008-ի հունվարի 31-ին: