ՀՀ ԱԳՆ-ն եւ ՌԴ-ում ՀՀ դեսպանատունը պարզում են Եգիպտոսում կործանված օդանավում ՀՀ քաղաքացիների առկայությունը։

Համաձայն ռուսական լրատվամիջոցներում հրապարակված ուղեւորների ցուցակի՝ օդանավում եղել են տարբեր ազգությունների ներկայացուցիչներ։ Նրանց թվում կարող են հայեր լինել։ Այս պահին ուղեւորների քաղաքացիությունը ճշտվում է:

Lifenews-ը հրապարակել է օդանակի 200 ուղեւորների անունները, որոնցից մեկի ազգանունը Մնացականով է:

Հիշեցնենք, որ Շարմ էլ Շեյխից Սանկտ Պետերբուրգ չվերթն իրականացնող «Կոգալիմավիա» ընկերության (MetroJet) Airbus-321 օդանավը Եգիպտոսից դուրս է եկել Երեւանի ժամանակով ժամը 07։51-ին եւ թռիչքից 23 րոպե անց անհետացել ռադարների էկրաններից։ Օդանավում եղել է 217 ուղեւոր եւ անձնակազմի 7 անդամ։ «Յաում 7»-ի տեղեկություններով՝ Եգիպտոսի Սինայի թերակղզու կենտրոնական հատվածում արդեն հայտնաբերվել են կործանված ռուսական քաղաքացիական օդանավի մնացորդները։