Կանադական Քվեբեկ նահանգում պայթյունի սպառնալիքի պատճառով 40 դպրոցի աշակերտների եւ մանկավարժների են տարհանել: Ռումբի առկայության մասին հաղորդագրություն են ստացել Քվեբեկ-Սիթիի եւ Մոնրեալի ուսումնական հաստատությունները:
«Նահանգի տարբեր հատվածներում դպրոցների ղեկավարությունը շենքերում պայթուցիկների հնարավոր առկայության մասին սպառնալիք է ստացել: Բոլոր երեխաներն ու մանկավարժները տարհանվել են: Մենք լուրջ ենք վերաբերվում այդպիսի հաղորդումներին»,- ասել է տարածաշրջանի ոստիկանության ներկայացուցիչ Մելանի Դյումարեսկը:
LifeNews-ի փոխանցմամբ, ոստիկանները շների օգնությամբ ստուգում են դպրոցները՝ պայթուցիկներ գտնելու համար: