Տուլայում հայկական ավտոբուսի վթարի առնչությամբ Տուլայի շրջանի դատախազ Ալեքսանդր Կոզլովը հայտնել է, որ վթարի հիմնական վարկածը վարորդի անուշադրությունն է:
«Գործը վերցրել է Ռուսաստանի ՆԳՆ քննչական բաժինը ու այն քննարկվելու է այնտեղ: Մեր աշխատակիցները լավ են աշխատել: Հիմա վերլուծում ենք ծառայությունների միջեւ փոխգործողությունները, ոպեսզի հաջորդ անգամ նման իրավիճակում բոլորն ավելի լավ աշխատեն: Հիմա բոլոր ծառայությունները շատ արդյունավետ են աշխատել»,- նշել է Ալեքսանդր Կոզլովը, հայտնում է Tulainfo–ն:
Նրա խոսքով, վթարի պահին ավտոբուսը ընթանում էր 117 կմ ժամում արագությամբ՝ մինչդեռ ճանապարհի այդ հատվածում կար 70 կմ/ժ սահմանափակում: Փոխադրամիջոցը պատահարից ընդամենը մի քանի ժամ առաջ էր վերանորոգվել, բայց փորձաքննություն միեւնույն է նշանակվել է:
Հիշեցնենք, որ նոյեմբերի 2-ի լույս 3-ի գիշերը «Մ4» մայրուղու հանգուցային հատվածում շրջվել էր ավտոբուս՝ Հայաստանի հանրապետության քաղաքացիներով: Զոհվել է 9 մարդ, մի քանի տասնյակն էլ՝ տարբեր աստիճանի վնասվածքներ ստացել:
