Սուրենավանի գյուղապետ Կարո Կարապետյանը բողոք չի ներկայացնել իր 19-ամյա որդուն մահացու վրաերթի ենթարկած վարորդի դեմ:
«Բոլորս էլ վարորդ ենք, բոլորիս հետ էլ կարող է պատահել: Վարորդը դիտմամբ չի արել չէ՞, ողբերգություն է, պատահել է, ի՞նչ անեմ: Որ բողոքեմ, որդիս հե՞տ է գալու»,- NEWS.am-ի թղթակցի հետ զրույցում ասաց Կարո Կարապետյանը:
Գյուղապետը հայտնեց, որ վթարի ենթարկած վարորդի հարազատների հետ ինքը խոսել է եւ հայտնել, որ ոստիկանություն բողոք չի ներկայացնելու:
Հիշեցնենք, որ 2015թ. նոյեմբերի 8-ին ժամը 15:00-ի սահմանում Երեւանի Կոմիտասի անվան պանթեոնի դիմաց 30-ամյա Գեւորգ Ե.-ն «Ֆոլքսվագեն Գոլֆ» մակնիշի 88 DP 889 համարանիշի ավտոմեքենայով վրաերթի էր ենթարկել հետիոտն Արաբո Կարապետյանին, որը տեղում մահացել էր: Վարորդն աշխատում է ՀՀ ՊՆ-ում։ Նա ինքնակամ ներկայացել է ոստիկանություն:
Դեպքի առթիվ հարուցվել է քրեական գործ է հարուցվել ՔՕ 242-րդ հոդվածի 2-րդ մասով (ճանապարհային երթևեկության և տրանսպորտային միջոցների շահագործման կանոնները խախտելը, որն առաջացրել է մահ):
Նշենք, որ Արաբո Կարապետյանը Սուրենավանաի գյուղապետի ավագ որդին էր, սովորում էր Խաչատուր Աբովյանի անվան մանկավարժական համալսարանի իրավագիտության ֆակուլտետում: