RT-ի գրասենյակն ընդգրկող շենքի վրա հարձակում իրականացրած մարդը ձերբակալվել է իրավապահ մարմինների աշխատակիցների կողմից, տեղեկացնում է հեռուստաալիքի պաշտոնական կայքը:
Հաղորդվում է, որ նա 36 տարեկան պաղեստինցի է Հեբրոնի շրջանում գտնվող Ֆորա բնակավայրից, տեղեկացնում է Ynet-ը: Ականատես Շիմոն Վակնինը, որը միջադեպի պահին սինագոգում էր, տեղեկացրել է, որ ահաբեկիչը հսկայական դանակը ձեռքին ներխուժել է շենքի չորրորդ հարկ եւ փորձել է հարձակվել բոլորի վրա, ովքեր հայտնվել են իր ճանապարհին: Պաղեստինցին երկու մարդու դանակահարելով սպանել է, երրորդին` վիրավորել, տեղեկացնում է Gazeta-ն:
Վիրավորը կարողացել է թաքնվել սինագոգում, որտեղ մի քանի տասնյակ հավատացյալ է եղել, որոնք աղոթք էին սկսել:
Երբ մարդիկ սինագոգում նկատել են վիրավորին, ինչպես նաեւ հսկայական դանակով պաղեստինցուն, որը մոտեցել է մուտքին, հավատացյալները նետվել են դեպի դուռը, որ փակեն: Ականատեսը տեղեկացնում է, որ մոտ 10 մարդ մի քանի վայրկյանից փակել է դուռը եւ պահել, չնայած ահաբեկիչը ֆիզիկապես բավականին ամուր է եղել եւ փորձել է, չնայած դիմադրությանը, ներխուժել սինագոգ:
Միաժամանակ` ներսում մնացած մարդիկ կարողացել են տուժածին առաջին բուժօգնություն ցուցաբերել: