Ռուսական ավիացիան Սիրիայում ահաբեկչական խմբավորումների դիրքերի ուղղությամբ երրորդ զանգվածային հարվածն է հասցրել: Այս մասին հայտարարել է ՌԴ Գլխավոր շտաբի գլխավոր օպերատիվ վարչության ղեկավար, գեներալ-գնդապետ Անդրեյ Կարտապոլովը:
«Այսօր Մոսկվայի ժամանակով 9:00-ին Ռուսաստանի ՌՕՈՒ-ն երրորդ զանգվածային հարվածն է հասցրել Սիրիայի տարածքում ապօրինի զինված խմբավորումների դիրքերի ուղղությամբ»,- հաղորդել է զինվորական պաշտոնյան:
Մասնավորապես, ըստ ՌԻԱ Նովոստիի, Տու-22Մ3 հեռահար ռմբակոծիչները Ռաքքա եւ Դեյր Զոր նահանգներում թիրախային հարված են հասցրել «Իսլամական պետության» զինյալներին պատկանող 6 օբյեկտների ուղղությամբ:
