ԱՄՆ նախագահ Թեոդոր Ռուզվելտը դա նկարագրել է որպես «ամենամեծ ռազմական հանցագործություն», եւ մեր ժամանակներում իռլանդական Քորք քաղաքում Հայոց ցեղասպանության զոհերի հիշատակը հարգել են լուսանկարների ցուցահանդեսի օգնությամբ: Այս մասին գրում է The Irish Times-ը:
Քորքի քաղաքային գրադարանում քաղաքապետ Քրիս Օ՛Լեարի բացած «Հայոց ցեղասպանության սրբապատկերները» խորագրով ցուցահանդեսում ներկայացված են մի շարք հին լուսանկարներ, որոնք պատկերում են ժամանակակից Թուրքիայում բնակված 1.5 մլն հայերի ցեղասպանությունը:
Ցուցահանդեսի կազմակերպիչներից Ջիմի Լինչի խոսքով, Հայոց ցեղասպանության 100-րդ տարելիցի տարում ցուցահանդեսն իրականություն է դարձել Իռլանդիայի հայ համայնքի շնորհիվ:
«Իռլանդիայում մենք արդարացիորեն հիշում են, թե ինչ է տեղի ունեցել Առաջին աշխարհամարտի ժամանակ այնպիսի վայրերում, ինչպիսիք են Գալիպոլին կամ Սուվլա Բեյը, որտեղ բազմաթիվ իռլանդացիներ են զոհվել: Բայց հարկավոր է նաեւ հիշել, թե ինչ է տեղի ունեցել Հայաստանում: Սա կարեւոր եւ զգայական տարի է Իռլանդիայի հայ համայնքի եւ ամբողջ աշխարհի հայության համար»,- ընդգծել է Ջիմի Լինչը: