Կառավարության աշխատակից, սեպտեմբերի 7-ին ինքնասպանության փորձ կատարած Լյուդվիգ Հովհաննիսյանը դեռ աշխատանքի չի վերադարձել: Այս մասին NEWS.am-ի թղթակցի հետ զրույցում հայտնեցին Լյուդվիգ Հովհաննիսյանի հարազատները:
Նրանց փոխանցմամբ՝ Լյուգդիգ Հովհաննիսյանը շարունակում է վերականգնողական բուժում ստանալ, պարբերաբար հետազոտվում է նաեւ հիվանդանոցում:
Դեռեւս հայտնի չէ՝ Լյուդվիգ Հովհաննիսյանը կվերադառնա նորից աշխատելու կառավարությունում, թե ոչ:
Հիշեցնենք, որ հրազենային վնասվածք ստացած 32-ամյա Լյուդվիգ Հովհաննիսյանը ԱԱԾ՝ պետական օբյեկտների պահպանության վարչության աշխատակից է: Նախնական տվյալներով՝ տղամարդն ինքնասպանության փորձ է կատարել:
Դեպքի առթիվ հարուցվել է քրեական գործ Քրեական օրենսգրքի 110-րդ հոդվածի 1-ին մասով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը):