Նյու Յորքում 22-ամյա կինը դանակով մահացու հարված է ստացել: Միջադեպի կապակցությամբ իրավապահները կալանավորել են մեկ այլ կնոջ:
Քննիչները փորձում են պարզել, թե ինչ է տեղի ունեցել նախքան միջադեպը: Իրավապահները դեպքի վայրում տեսել էին կնոջ, որը գրկում պահել էր նորածին մի երեխայի՝ պնդելով, որ ինքը ծննդաբերել է վեճի ժամանակ, փոխանցում է Americaru-ն:
Երեխան չի տուժել եւ գտնվում է Բրոնքսի հիվանդանոցում բժիշկների հսկողության տակ:
22-ամյա կասկածյալը նախկինում պատասխանատվության էր ենթարկվել: Իրավապահների խոսքով՝ նա կարող էր երեխային դանակով հարվածելով հանել զոհի արգանդից: Երկու կանանց անունները չեն հրապարակվում: