Էջմիածինում նոյեմբերի 22-ին, ընտանեկան վեճն ավարտվել է բնակարանի հրկիզմամբ։ NEWS.am-ին հայտնի է դարձել, որ Էջմիածինի Արագածի զանգվածի շենքերից մեկում նոյեմբերի 22-ին հրդեհ է բռնկվել։ Ավելի ուշ պարզվել է, որ տներից մեկում վիճաբանություն է տեղի ունեցել ամուսիների միջեւ, որի ժամանակ ամուսինը բենզինը լցրել է բազմոցի վրա եւ հրկիզել։

Հարեւանները ահազանգել են հրշեջ ծառայություն։ Դեպքի վայր են ժամանել պատկան մարմինների ներկայացուցիչները։ Ամուսինը բերման է ենթարկվել ոստիկանություն, ավելի ուշ նրան ազատ են արձակել։ Կատարվում է հետաքննություն։

NEWS.am-ին հայտնի է դրաձել, որ միջադեպի հետեւանքով այրվածքներ ստացողներ չեն եղել, սակայն վեճի ժամանակ ամուսինը մարմնական վնասվածքներ է ստացել։