ՀՀ կառավարությունն առաջարկում է մեկ տարով հետաձգել նոր սերնդի հսկիչ դրամարկղային սարքերը գնելու պարտավորությունը: Այս մասին այսօր՝ նոյեմբերի 23-ին, ԱԺ-ում «Հարկերի մասին» ՀՀ օրենքում փոփոխություններ եւ լրացումներ կատարելու մասին օրենքի նախագիծը երկրորդ ընթերցմամբ եւ ամբողջությամբ ընդունելու մասին հարցը քննարկելու ժամանակ ասաց ֆինանսների փոխնախարար Վախթանգ Միրումյանը:
«Եթե ժամկետը չերկարաձգվի, ապա փոքր եւ միջին ձեռնարկատերերը ստիպված կլինեն մինչեւ հունվարի 1-ը տեղադրել նոր սերնդի հսկիչ դրամարկղային սարքեր: Մենք առաջարկում ենք օրենքը հետաձգել մինչեւ 2017թ. հունվարի 1-ը»,- ասաց փոխնախարարը:
Նշենք, որ ըստ ֆինանսների նախարարության՝ մոտ 25 հազար ձեռնարկատեր չունի նոր սերնդի հսկիչ դրամարկղային սարք: