Պետք չէ հոռետեսորեն մոտենալ Եվրասիական տնտեսական միությանը. ԵՏՄ-ն դեռ ձեւավորման փուլում է գտնվում։ Այս մասին նոյեմբերի 23-ին կայացած մամուլի ասուլիսի ժամանակ ասել է տնտեսագետ Վարդան Բոստանջյանը։
Նրա խոսքով՝ հաշվի առնելով ԵՏՄ շուկայի աշխարհագրությունը՝ Հայաստանն անպայման հաջողության կհասնի։ «Իսկ եթե հաջողություններ չկան, նշանակում է մենք վատ ենք աշխատում։ Քանի դեռ Հայաստանում ազատ տնտեսական մրցակցություն չկա, տնտեսությունը չի զարգանա, ներդրումներ չեն լինի։ Անհրաժեշտ է այնպիսի հարկային մոտեցումներ ցուցաբերել, որպեսզի փոքր եւ միջին բիզնեսը կարողանա աշխատել։ Դա կհանգեցնի եկամուտների աճին, իսկ այդ դեպքում մենք ներքին եւ արտաքին ներդրումներ կունենանք։ Եթե ես վստահ լինեի, որ իմ գումարն ապահով է, ես կմտածեի, թե որտեղ ներդնեմ այն»,- ընդգծել է Վարդան Բոստանջյանը։