Ֆրանսիայի նախագահ Ֆրանսուա Օլանդը եւ Մեծ Բրիտանիայի վարչապետ Դեւիդ Քեմերոնը ծաղիկներ են դրել Փարիզում «Բատակլան» թատրոնի շենքի մոտ, որը նոյեմբերի 13-ին գրոհել էին ահաբեկիչները։ Այս մասին հայտնել են Ֆրանսիայի նախագահի աշխատակազմից, փոխանցում է Gazeta-ն՝ վկայակոչելով RTBF-ը։
Հաղորդվում է, որ նրանց հետ արարողությանը մասնակցել է Փարիզի քաղաքապետ Աննա Իդալգոն։

Ավելի վաղ հայտնի էր դարձել, որ Ֆրանսիայի եւ Մեծ Բրիտանիայի հատուկ ծառայությունները տեղեկություններ կփոխանակեն ահաբեկչական սպառնալիքի դեմ պայքարի համար։

Հիշեցնենք, որ նոյեմբերի 13-ի ուշ երեկոյան Փարիզի միանգամից 6 շրջանում ահաբեկչություններ էին տեղի ունեցել, որոնց հետեւանքով զոհվել էր 129 մարդ։