ԵԽԽՎ-ում քննարկումները բոյկոտելը լավագույն լուծումը չէ։ Այս մասին նոյեմբերի 23-ին լրագրողներին ասել է ՀՀ խորհրդարանի փոխխոսնակ, ԵԽԽՎ-ում Հայաստանի պատվիրակության ղեկավար Հերմինե Նաղդալյանը՝ մեկնաբանելով բրիտանացի պատգամավոր Ռոբերտ Ուոլթերի «Լեռնային Ղարաբաղում եւ Ադրբեջանի մյուս բռնազավթած տարածքներում բռնության աճը» թեմայով զեկույցը։

Նրա խոսքով՝ հայկական պատվիրակությունը հունվարին՝ լիագումար նիստի ժամանակ, զեկույցի արգելափակման համար  ռազմավարություն մշակելու ժամանակ ունի։ «Բոյկոտելը լավագույն լուծումը չէ։ Սակայն այդ մասին ստիպված ենք լինելու մտածել, եթե զրուցակիցները չնկատեն մեր փաստարկները»,- հավելել է Նաղդալյանը։

Հիշեցնենք, որ ԵԽԽՎ քաղաքական հարցերով հանձնաժողովը նշված զեկույցը ներառել է նիստի օրակարգում։