Սիրիայում ռուսական Սու-24 ռմբակոծիչի կործանումից հետո անհրաժեշտ է խուսափել ՌԴ-ի եւ Թուրքիայի միջեւ հարաբերությունների սրումից: Այդ մասին երեքշաբթի ասել է ԵՄ-ի դիվանագիտության ղեկավար Ֆեդերիկա Մոգերինին:
«Առավոտյան խոսել եմ ՆԱՏՕ-ի գլխավոր քարտուղար Յենս Սոլթենբերգի հետ: Անհրաժեշտ է խուսափել Թուրքիայի եւ Ռուսաստանի միջեւ լարվածությունից», - ասել է նա, տեղեկացնում է ՏԱՍՍ-ը:
Հիշեցնենք, որ ռուսական Սու-24-ը, որը Սիրիայում մասնակցում էր ահաբեկիչների դեմ օդային գործողությանը, թուրքական ՌՕՈՒ-ի կողմից հրթիռահարվել էր Թուրքիայի հետ սահմանին: Ինչպես ճշտել է ՌԴ նախագահ Վլադիմիր Պուտինը, ռուսական ռմբակոծիչը չէր սպառնում Թուրքիային եւ խփվել է սահմանից 1 կմ հեռավորության վրա: