Թունիսի ղեկավարությունը մայրաքաղաքի կենտրոնում իրականացված ահաբեկչությունից հետո հայտարարել է արտակարգ դրության ռեժիմ սահմանելու մասին: Երկրի նախագահի մամուլի քարտուղարը հաղորդել է, որ ավտոբուսի պայթյունի հետեւանքով 12 մարդ է զոհվել, եւս 16 հոգի վիրավոր է:
Պայթյունն իրականացրել է մահապարտ-ահաբեկիչը: Նա մոտեցել է ավտոբուսին եւ պայթեցրել իրեն:
Թունիսի կառավարությունը նաեւ պարեկային ժամ է սահմանել: Այն կտեւի մինչեւ չորեքշաբթի առավոտյան ժամը 5:00-ն: Այս մասին գրում է ՌԲԿ-ն՝ վկայակոչելով Reuters-ին:
Shems FM ռադիոկայանի փոխանցմամբ էլ, նախագահ Բեժի Քաիդ էս-Սեբսին չեղյալ է հայտարարել նոյեմբերի 25-26-ին Շվեյցարիա նախանշված այցը: