Ամերիկյան Օհայո նահանգում տղամարդը փորձել է ավտոմեքենայով ներխուժել ՌՕՈՒ բազա: Այստեղ տագնապ է հայտարարվել:
ՏԱՍՍ-ի փոխանցմամբ, Ռայթ-Պատերսոն բազայի պաշտոնական ներկայացուցիչ Դերիլ Մայերը նշել է, որ տղամարդն անցակետում «անտեսել է փաստաթղթերը ստուգելու նպատակով կանգ առնելու հրամանը» եւ մտել բազայի տարածք: Ավելի ուշ մեքենան հայտնաբերել են շինությունների մեկի մոտ կայանված:
Դեպքի վայրին հարակից երկու շենքերում գտնվող մարդկանց տարհանել են: Անցագրային ռեժիմը խախտած տղամարդը ձերբակալված է: