Ֆինլանդիայում օտարերկրացի երկու դեռահասներ հարձակվել են 14-ամյա աղջկա վրա եւ նրանցից առնվազն մեկը բռնաբարել է երեխային: Այս մասին հաղորդում է Yle-ն՝ վկայակոչելով ֆիննական Օուլու քաղաքի ոստիկանությանը:
Դեպքը տեղի է ունեցել Հյուսիսային Օստրոբոտնիա նահանգի Կեմպելե բնակավայրում: Ոստիկաններին կանչել են մոտակայքով անցնող տեղի բնակիչները:
Դեռահասներին կալանավորել են, նրանց կասկածում են ծանրացուցիչ հանգամանքներում բռնաբարության եւ սեռական ոտնձգության մեջ: Ոստիկանության տվյալներով, դեռահասները 18 տարեկանից փոքր են եւ Ֆինլանդիա են ժամանել Աֆղանստանից:
Ըստ «Ռոսբալտ»-ի, Ֆինլանդիայի վարչապետ Յուխա Սիպիլյան ցնցված է պատահածից: Նա նույնպես տուն ունի Կեմպելեում: Սեպտեմբերին նա խոստացել էր այն տրամադրել փախստականների կենտրոնին:
