Աֆղանստանում մոլդովական ուղղաթիռի կործանումից 3 մարդ է մահացել, եւս 18-ը գերի են ընկել։ Այս մասին հայտնել է Մոլդովայի վարչապետի ժ.պ Գեորգի Բրեգան՝ միջադեպի կապակցությամբ հրավիրված արտահերթ նիստի ավարտին։
«Ցավոք սրտի, տեղեկատվության պակասի պատճառով մամուլում շատ սուտ հրապարակումներ են հայտնվել։ Դեռեւս հստակ է միայն այն, որ ուղղաթիռը պատկանում էր մասնավոր ընկերության, խցիկում եղել է 21 մարդ, այդ թվում՝ մոլդովացիներից բաղկացած անձնակազմը՝ 2 օդաչու եւ մեկ ինժեներ։ Մեր տեղեկություններով՝ ուղղաթիռը գնդակոծման է ենթարկվել եւ հարկադիր վայրէջք կատարել։ Զոհվել է 3 մարդ, նրանց թվում՝ մեր հայրենակիցը։ Միջադեպի կապակցությամբ մենք դիմել ենք մեր գործընկերներին, այդ թվում՝ ԱՄՆ-ին»,- մեջբերում է Բրեգայի խոսքը ՏԱՍՍ-ը։
Ավելի վաղ մոլդովական մամուլը հայտնել էր, որ ուղղաթիռը պատկանում էր Valan International Cargo Charter ընկերությանը եւ թռիչքներ էր իրականացնում Աֆղանստանում՝ ԱՄՆ կառավարության հետ կնքած պայմանագրին համապատասխան։
