Ուղտի կաթը արաբական երկրներում բավական տարածված մթերք է, որը, սակայն, չընդունվեց Եվրոպայում եւ ԱՄՆ-ում։ Սակայն արտադրողները չեն կորցնում հույսը։ Դուբայի մոտակայքում գտնվող Al Ain Dairy Farm ընկերությունը հայտարարել է, որ սկսել է ուղտի կաթից պաղպաղակ արտադրել։ Ի տարբերություն ավանդական պաղպաղակի՝ այն աղի համ ունի, հարուստ է վիտամին С-ով եւ շատ քիչ ճարպ է պարունակում։ Մոտ ժամանակներս պաղպաղակը վաճառքի կհանվի ԱՄԷ-ի հարեւան երկրների շուկաներում, իսկ մոտ ապագայում կարող է նվաճել ԱՄՆ-ի եւ Եվրոպայի շուկաները, փոխանցում է Kedem-ը։