Հայաստանն ու Սերբիան կզարգացնեն համագործակցությունը պաշտպանական ոլորտում: Այս նպատակով Երեւանում նոյեմբերի 25-ին երկու երկրի պաշտպանության նախարարները փաստաթուղթ են ստորագրել, որը կոչված է հիմք ստեղծել ռազմական կրթության, ռազմական բժշկության, խաղաղարար գործունեության ոլորտում համագործակցության համար:
Ինչպես տեղեկացրել է Հայաստանի պաշտպանության նախարար Սեյրան Օհանյանը իր սերբ գործընկերոջ հետ հանդիպման արդյունքներն ամփոփող ասուլիսի ընթացքում, կողմերը քննարկել են միջազգային անվտանգության, ահաբեկչության դեմ պայքարի հարցեր:
Իր հերթին, Սերբիայի պաշտպանության նապխարար Բրատիսլավ Գիշիչն իր ուրախությունն է հայտնել այն առիթով, որ Սերբիայի առաջին պաշտպանության նախարարն է, որը 1994-ին Հայաստանի եւ Սերբիայի միջեւ դիվանագիտական հարաբերությունների հաստատումից ի վեր պաշտոնական այցով Երեւան է այցելել:
«Մենք շատ օգտակար բանակցություններ ենք անցկացրել: Կարծիքների փոխանակում տեղի ունեցավ աշխարհում ստեղծված իրավիճակի, ապագա ռազմական համագործակցության, համատեղության կարգով ռազմական կցորդների հավատարմագրերի փոխանակման մասին», - նշել է նախարարը:
